وقالت سماح أنور، خلال حوار تلفزيوني، اليوم الاثنين: "أغطي شعري ليه؟ الأئمة أجمعوا أنه فرض بس أنا بتكلم عن ربنا والقرآن، القرآن قال إيه"، مضيفة: "تفسير آية الحجاب جاء من قبل البشر يعني "بني آدمين"، بحسب صحيفة "المصري اليوم" المصرية.
وتابعت: "أنا كمان بني آدم وفسرته بطريقة تانية".
واستطردت: "ربنا خلق لي شعري، فهل شعري هو المشكلة ولا عورتي هي المشكلة"، مضيفة: "أنا بشوف محجبات كتير في الشارع لابسين استريتش… هو ده يرضي ربنا؟".
وقالت سماح أنور: "أنا ما بشتغلش في الدين عشان أتكلم فيه، أنا مليش فيه أنا بني آدم عادي"، مضيفة: "لو حطيت حاجة على دماغي بتخنق".
وتابعت: "ليس لي علاقة بكونه فرض ولا مش فرض أنا مش متخصصة في الدين"، مضيفة "أنا بني آدم هتولد لوحدي وهموت لوحدي وهتحاسب لوحدي زي كل خلق ربنا".
واستطردت: "ما تقوليش أعمل إيه أنت بلغتني المعلومة، متشكرين أوي مين اللي هيحاسبني ياعم. سيبني مع اللي خلقني".
